Fabricamos e envasamos refrescos. Todos os que poidas imaxinar.

Todo comezou en 1930, cando Perfecto González, visionario e emprendedor, fundou en Marín (Pontevedra) unha das primeiras fábricas de gaseosas de Galicia. Dende entón, xeración tras xeración, a súa familia continuou co legado. Hoxe, coa cuarta xeración ao fronte, seguimos medrando coa mesma curiosidade, compromiso e ilusión que impulsaron os seus inicios.

Cada persoa que forma parte deste proxecto achega o seu talento para facer de Refrescos del Atlántico unha gran familia e un grupo sólido, preparado para o futuro.

A innovación é un dos piares da nosa evolución. Transformamos as nosas plantas para facelas máis áxiles, eficientes e sostibles. Hoxe en día, máis do 80 % dos nosos procesos están automatizados e dixitalizados, o que nos permite mellorar a produtividade, optimizar os recursos e reducir nun 30 % o consumo enerxético por litro producido. Ademais, avanzamos en sustentabilidade mediante o uso de envases reciclados e o compromiso cunha produción máis responsable co contorno.

Actualmente contamos con tres centros de produción en Marín (Pontevedra), Valdunciel (Salamanca) e Folgoso de la Ribera (León), dende onde envasamos máis de 600 referencias e superamos os 500 millóns de litros ao ano. Con máis de 150 traballadores, seguimos fieis ás nosas raíces, mirando ao futuro con determinación.

Só sabemos de bebidas, pero o sabemos todo.

Somos especialistas no desenvolvemento e fabricación de refrescos e outras bebidas. Producimos marcas propias e tamén fabricamos para terceiros, creando solucións a medida que se adaptan ás necesidades de cada cliente e proxecto.

O noso modelo de negocio é flexible e centrado no cliente, o que nos converteu nun referente tanto no mercado nacional coma internacional. Ademais, contamos coa nosa propia axencia de transporte, o que nos permite ofrecer un servizo integral: desde a conceptualización do produto ata a súa entrega final. Hoxe, máis do 80 % dos nosos procesos están automatizados, o que garante eficiencia, calidade e fiabilidade en cada etapa.

Innovación e sustentabilidade.

A curiosidade ven de familia: somos inquedos e sempre buscamos novas formas de mellorar. Apostamos pola tecnoloxía: o 100 % do proceso produtivo está robotizado e automatizado, optimizando tempo e recursos. Estamos comprometidos coa contorna, de verdade: somos dos envasadores que menos plástico utilizan, apostamos polo capital humano e fomentamos a economía local.

Coñecemento e adaptación.

A nosa experiencia ensinounos a coñecer ben o contorno e adaptarnos a calquera circunstancia. Ofrecemos solucións personalizadas e áxiles, axustadas ás necesidades do cliente e do mercado. En definitiva, estamos preparados para ofrecer o que se precisa, cando se precisa.

Proximidade.

Estamos onde e cando se necesita. Medramos cos nosos clientes e acompañámolos no día a día
e en momentos extraordinarios. Cremos nas relacións duradeiras baseadas na confianza e
esforzámonos por estar sempre presentes.

Entusiasmo e dedicación.

Con máis dun século de historia, perfeccionamos o noso método xeración tras xeración. Combinamos experiencia e ilusión, e mantemos viva unha tradición que representa o noso legado. Esa mestura é a que nos impulsa a avanzar cada día coa mesma dedicación de sempre.